“КОХА” электрон каталогит хандах IP хаягийг номын санчаас авах

 “Спортын нөхөрсөг тэмцээн”- ийг Завхан аймагт үйл ажиллагаагаа явуулж байгаа   Банк санхүүгийн байгууллагуудын дунд амжилттай зохион байгууллаа

Энэ удаагийн тэмцээн нь сагсан бөмбөг эр, эм  гар бөмбөг холимог, шидэлт эр, эм гэсэн төрлөөр зохион байгуулагдсан. Өмнөх жилийн Спортын нөхөрсөг тэмцээнд Төрийн банк, ХААН банк, ХАС банк, Халамжийн хэлтэс, Капитал банк, Татварын хэлтэс, МУИС-ийн Завхан сургууль гэсэн байгууллагууд оролцож байсан бол энэ жилийн хувьд  ХААН банк, ХАС банк, Завхан сургууль, Татварын хэлтэс байгууллагын баг тамирчид оролцсон.

Татах (PDF, Unknown)

 МУИС-ийн Завхан сургуулийн нийт багш, ажилчдын дунд “Гар бөмбөг”-ийн тэмцээнийг зохион байгууллаа

МУИС-ийн Завхан сургуулийн нийт багш, ажилчдын дунд зохиогдсон “Гар бөмбөг”-ийн тэмцээн нь 2016.03.23-ны өдөр болсон. Уг тэмцээний гол зорилго нь багш, ажилчдын чийрэгжүүлэлтийн цагийг үр бүтээлтэй, өрсөлдөөнтэй өнгөрүүлэх зорилготой бөгөөд нийт 4 баг оролцож, тойргоор тоглосон.

Тэмцээний шагналт байранд:

1-р байр – Баярмагнай ахлагчтай баг

2-р байр – Бор ахлагчтай баг

3-р байр – Энхбаяр ахлагчтай баг тус тус эзэлсэн амжилттай оролцсон.

“Төрийн банк”- ны Завхан салбарын ажилтан “Манлайлах ур чадвар” сэдвээр оюутнуудад лекц уншив.

“Төрийн банк”- ны ажилтан Нямдэмбэрэл 2016.03.23-ны өдөр Санхүү-Банкны тэнхимийн мэргэжлийн 1-4 курсын нийт 83 оюутанд “Манлайлах ур чадвар” сэдвээр лекц уншсан.

Энэхүү лекцийн хүрээнд:

• Хувь хүний өөрчлөлт, шинэ амьдралын зөв дадал хэвшилийн талаар
• Хувь хүний биеэ хэрхэн зөв авч явах, бусдад өөрийгөө хэрхэн зөв илэрхийлэх талаар
• Цаг ашиглалтын талаар
• Өөрийгөө хэрхэн хөгжүүлэх талаар
• Хэлний мэдлэг олж авах талаар
• Манлайлах ур чадвар гэж юу болох манлайлагч болохын тулд ямар өөрлөлтийг хийх талаар сонирхолтой лекцийг уншсан.

Капитал банкны ажилтан Сэнгээ “Капитал банк”-ны танилцуулга лекцийг уншсан.

“Капитал банк”- ны ажилтан Сэнгээ 2016.03.24-ны өдөр Санхүү-Банкны тэнхимийн мэргэжлийн 1-4 курсын нийт 49 оюутанд “Капитал банк”-ны танилцуулга лекц уншсан.

Энэхүү лекцийн хүрээнд:

• Капитал банкны түүх, зорилго, зорилт
• Капитал банкны салбар нэгж, бүтээгдэхүүн үйлчилгээ
• Хадгаламж, зээлийн талаар
• Гадаад төлбөр тооцоо
• Баталгаа, батлан даалт
• Аккредитивын үе шатууд
• Картын бие даасан систем, төлбөр тооцоо
• Бусад бүтээгдэхүүн үйлчилгээ болон гишүүнчлэлийн талаар лекцийг уншиж, оюутнуудын дунд асуулт асууж, 2 оюутанд гарын бэлэг өгсөн.

ХАС банктай хамтарсан “Танилцах аялал” зохион байгуулсан  

МУИС-ийн завхан сургуулийн Санхүү банкны тэнхимийн  Мэргэжил сурталчилах 7 хоногийн  аяны үйл ажиллагаатай холбогдуулан банкны мэргэжлийн практик үй ажиллагаатай танилцах, мэргэжлийн бахархал, ажиллах боловсон хүчний хүмүүстэй танилцах, банкууд өөрийн боловсон хүчний бааз болсон  мэргэжлийн ангийн  оюутнуудад өөрийн  үйл ажиллагаа танилцуулах, мэргэжлийн бахархал итгэл үнэмшлийг төрүүлэх зорилгоор Банкны 3-р курсын оюутнууд ХАС банктай хамтран танилцах аялалыг зохион байгуулсан.

Энэхүү ажлын хүрээнд ХАС банкны захирал Гүррагчаатай уулзалт ярилцлага хийж, Хас банкны бүтэц зохион байгуулалттай танилцаж, үйл ажиллагааг биечлэн үзэж танилцсан.

“ХААН банк”- ны Завхан салбарын ажилтан “Манлайлагчийн ур чадвар” сэдвээр оюутнуудтай санал бодол солилцох ярилцлагыг зохион байгуулсан

“ХААН банк”- ны ажилтан Нарантуяа 2016.03.21-ны өдөр Санхүү-Банкны тэнхимийн мэргэжлийн 1-4 курсын нийт 67 оюутнуудтай санал бодол солилцох уулзалт ярилцлага зохион байгуулсан.

Энэхүү ярилцлагын хүрээнд:

• Хувь хүний манлайлал
• Өөрийгөө илэрхийлэх чадвар
• Цаг хувиарлалт
• Өөрийгөө хөгжүүлэх, бусдад таниулах ур чадвар
• Хэлний ур чадвар
• Ажил хэрэгч хувцаслалт
• Цаг хугацааны үнэ цэнийн 16 арга гэх мэт олон зүйлийн талаар зөвөлгөө өгч оюутнуудтай харилцан ярилцсан.

I, II  курсын оюутнуудын дунд “Чанга шивнээ” хөгжөөнт тэмцээнийг зохион байгуулсан

Тэмцээний гол зорилго нь оюутнуудын чөлөөт цагийг зөв боловсон өнгөрүүлэх, багаар ажиллах чадварыг хөгжүүлэх зорилготойгоор зохион байгуулагдлаа. Тэмцээнд  I, II  курсын нийт 68 оюутан багаа дэмжихээр ирсэн ба нийт 8 баг оролцсон. Уг тэмцээн нь Монгол үг, Монголжсон гадаад үг, Холбоо үг гэсэн 3 үетэйгээр явагдсан.

1-р байр – ТА2-1 ангийн Амирдаа, Пүрэв-Очир

2-р байр – FE2-1 ангийн Нарантуяа, Булган тус тус эзэлсэн

“ХАС банк”- ны Завхан салбарын захирал “Багийн ажиллагаа” сэдвээр оюутнуудад лекц уншив.

 “ХАС банк”- ны захирал Гүррагчаа 2016.03.22-ны өдөр Санхүү-Банкны тэнхимийн мэргэжлийн 1-4 курсын нийт 89 оюутанд “Багийн ажиллагаа” сэдвээр лекц уншсан.

Энэхүү лекцийн хүрээнд:

• Баг гэж юу вэ?
• Багийн бүтэц
• Багийн ажиллагаа гэж юу вэ?
• Багийн ахлагч, гишүүд
• Багийн жинхэнэ гишүүн гэж хэн бэ?
• Багийн гишүүний багт гүйцэтгэх үүрэг
• Багийн зорилго, хүрэх үр дүнгийн талаар оюутнуудад маш их хэрэгцээт мэдлэг болохуйц лекцийг уншиж, оюутнууд сонирхосон зүйлийнхээ талаар асууж хариулт авсан нь өндөр ач холбогдол бүхий лекц болж өнгөрсөн.

Боловсрол, Соёл, Шинжлэх Ухааны сайд Л.Гантөмөр ЭЕШ-ын босго оноог тогтоох тушаал гаргажээ.  Тодруулбал, өмчийн хэлбэр харгалзахгүй их дээд сургууль, коллежид 2016-2017 оны хичээлийн жилд оюутан элсүүлэх үндэсний хэмжээний босго оноог 400 байхаар тогтоосон байна. 400 ба түүнээс дээш хэд байхыг их дээд сургуулиуд өөрсдөө тогтоох юм байна.  Сургуулиудад босго оноогоо 400 буюу түүнээс дээш байхаар тогтоож нээлттэй, ил тод мэдээлэхийг их, дээд сургууль, коллежийн захирлуудад үүрэг болгосон байна.

МУИС-ийн Завхан сургуулиас, аймгийн боловсрол соёлын газартай хамтран ЕБС-ийн нийгмийн ухааны багш нарт зориулсан “MICRO ECONOMICS” сэдэвт сургалтыг 2016.03.22-23-ны  өдөрүүдэд боловсрол соёлын газарт зохион байгууллаа. Нийт 40 цагийн сургалтанд Завхан аймгийн төвийн ЕБС сургуулиуд болон  Завхан аймаг дахь СУИС-ийн харъяа хөгжим бүжгийн коллеж болон бүх сумдуудын  ЕБС-ийн сургуулийн нийгмийн ухааны багш нар болох 43 багш оролцсон бөгөөд сургалт амжилттай хэрэгжиж багш нар Сертификатаа гардан авлаа.

Энэ сургалтыг хамтран зохион байгуулсан Завхан аймгийн боловсрол соёлын газрын  дарга, мэргэжилтэн, оролцсон нийт багш нартаа ажлын амжилт хүсье.

“Монгол Улсын Их Сургуульд 2016 оны бакалаврын өдрийн хөтөлбөрт оюутан элсүүлэх журам” 2016 оны 02 дугаар сарын 19-ний өдрийн Захиргааны зөвлөлийн хурлаар шинэчлэгдсэн батлагдсан билээ. Журмыг эндээс үзнэ үү.

Элсэлтийг орон даяар, цахим хэлбэрээр явуулах бөгөөд бүртгэлийн тухай дэлгэрэнгүй мэдээллийг  http://burtgel.num.edu.mn болон www.num.edu.mn цахим хуудаснаас авна уу.

МУИС 2016-2017 хичээлийн жилийн бакалаврын өдрийн хөтөлбөрийн элсэлтийн бүртгэл 2016 оны 04 дүгээр сарын 25-наас эхлэн http://burtgel.num.edu.mn хаягаар явна. Та Боловсролын үнэлгээний төвийн системд ханддаг бүртгэлийн дугаар, нууц үгээрээ нэвтэрч бүртгүүлнэ үү.

Татах (PDF, Unknown)

МУИС, Сургалтын нэгдсэн алба