Холбоотой мэдээлэл http://news.num.edu.mn/?p=33113

Татах (PDF, Unknown)

2016 оны 4-р сарын 18 нд МУИС-ийн Завхан сургууль дээр МУИС-ийн Бизнесийн сургууль, МУИС-ийн Завхан сургууль, МУИС-ийн Орхон сургуулиудын оюутнуудын эрдэм шинжилгээний хамтарсан хурал амжилттай зохион байгуулагдав. Эрдэм шинжилгээний хуралд дээрх сургуулиудын шилдэг 11 оюутан илтгэлээ хэлэлцүүллээ.

Мөн оюутнуудын  дугуй ширээний ярилцлага болж,  өөрсдийн сургуулиуд дээр хийгддэг оюутны эрдэм шинжилгээ, судалгааны ажлуудын талаар ярилцаж, оютнуудын эрдэм судлалын  ажлыг цаашд улам өргөжүүлэх,чанаржуулахын тулд шийдвэрлэх асуудлуудын  талаар санал, бодолоо солилцов.

МУИС-ийн Завхан сургуулийн “Эрдмийн сар-2” аяны хөтөлбөрийн үйл ажиллагаанд МУИС-ийн Бизнесийн сургуулийн Хөтөлбөр хариуцсан дэд захирал доктор Д.Сувдаа “Зочин профессор”-оор уригдаж, багш нарт “МУИС-ийн стратеги зорилт ба эрдэм шинжилгээ, судалгааны ажлын чиг хандлага” сэдвээр лекц уншиж, судалгааны ажлын арга зүйн асуудлуудаар зөвөлгөө өгөв.

1. 2016 оны 4-р сарын 18 нд МУИС-ийн Завхан сургууль дээр МУИС-ийн Бизнесийн сургууль, МУИС-ийн Завхан сургууль, МУИС-ийн Орхон сургуулиудын оюутнуудын эрдэм шинжилгээний хамтарсан хурал амжилттай зохион байгуулагдав. Эрдэм шинжилгээний хуралд дээрх сургуулиудын шилдэг 11 оюутан илтгэлээ хэлэлцүүлж,   МУИС-ийн Бизнесийн сургуулийн Санхүү, менежментийн 3-р курсийн оюутан А.Булгамаа,М.Мөнхтуяа /удирдсан багш Ө.Гэрэлт-Од/ нарын “Банкны зах зээл дэх санхүүгийн зуучиллыг  Фишерийн эффектээр үнэлэх нь” сэдэвт илтгэл тэргүүн байр, мөн сургуулийн Санхүү, менежментийн 4-р курсийн оюутан Б.Батсүрэнгийн /удирдсан багш Б.Цэнгэл/ “Монголын хөрөнгийн биржийн хөрвөх чадвар болон макроэкономиксийн хамаарал” сэдэвт илтгэл   дэд байр, МУИС-ийн Завхан сургуулийн Санхүү, менежментийн 3-р курсийн оюутан Б.Мягмарсайханы “Монгол улсын компанийн засаглалын өнөөгийн байдал, цаашдын хандлага”,  МУИС-ийн Орхон сургуулийн Санхүү, эдийн засгийн 3-р курсийн оюутан Б.Намдаг, Н.Түвшинжаргал нарын  /удирдсан багш Х.Адъяацогт/ нарын Санхүүгийн эрүүл байдлын үзүүлэлтүүд ба чанаргүй хамаарлыг шинжлэх нь” сэдэвт илтгэлүүд 3-р байрт шалгарав. Мөн оюутнуудын  дугуй ширээний ярилцлага болж,  өөрсдийн сургуулиуд дээр хийгддэг оюутны эрдэм шинжилгээ, судалгааны ажлуудын талаар ярилцаж, оютнуудын эрдэм судлалын  ажлыг цаашд улам өргөжүүлэх,чанаржуулахын тулд шийдвэрлэх асуудлуудын  талаар санал, бодолоо солилцов.

2016-2017 оны хичээлийн жилд Япон улсын Шига Их Сургуульд оюутан солилцооны хөтөлбөр зарлагдлаа.

Шаардлага :

1. МУИС-ийн 1, 2, 3 дугаар түвшиний оюутан байх
2. Голч оноо 3.0 дээш
3. Харилцааны соёлтой, нийтэч, олон нийтийн ажилд идэвхитэй оролцдог байх
4. Япон хэлний мэдлэгтэй байх

Бүрдүүлэх материалууд :

1. 1 хувь цээж зураг
2. Дүнгийн хуулбар /Англи хэлээр/
3. Сургуулийн тодорхойлолт /Англи хэлээр/
4. Гадаад паспортын хуулбар
5. Эрүүл мэдийн түүхийн хуудас татах, татах
6. Өргөдлийн маягт татах
7. Certificate of eligibility татах, 
8. Application for eligibility tips to fill in татах
9. Байрны өргөдлийн маягт татах
10. Тангарагийн бичиг татах

Тэтгэлэг : Сургалтын төлбөрөөс чөлөөлнө.

Өргөдөл хүлээн авах эцсийн хугацаа:  2016 оны 5 дугаар сарын 9-ний даваа гариг 12.00 цаг.

Хаана: МУИС-ийн 1-р байр 219 тоот өрөө Оюутны алба

Бүрдүүлсэн материалуудаа pdf файл болгоод дараах хаягаар илгээнэ.  studentaffairs@num.edu.mn

Захиргааны зөвлөлийн 2016 оны 04 дүгээр сарын 05-ны өдрийн хуралдааны шийдвэр   

Хуралд захирал Р.Бат-Эрдэнэ, дэд захирал Ч.Нарантуяа, Г.Баярмагнай, О.Мөнхбат, ТДС-ийн захирал Б.Отгонтөгс, ЗХШҮА-ны дарга В.Батцэнгэл, СНА-ны дарга Ч.Ундрам, МТА-ны дарга А.Баатарбилэг, бүрэлдэхүүн сургуулийн захирлууд Б.Баяртогтох, Н.Баатарбилэг, Ц.Болормаа, Ж.Эрдэнэбулган, С.Баттулга нар оролцлоо. ХШУИС-ийн багш С.Отгонцэцэг байлцав.

Хурал хичээлийн 1 дүгээр байрны 208 тоот хурлын өрөөнд өглөө 09:40 цагт эхэлж, 13:25 цагт дуусав.

ХЭЛЭЛЦСЭН АСУУДАЛ:

1. Шинжлэх ухааны сургуулиас хэлэлцүүлж шийдвэрлүүлэх асуудал /Б.Баяртогтох/
2. МУИС, Орчлон сургуулийн хоорондын хамтын ажиллагааны гэрээний төсөл /Ч.Ундрам/
3. 2016-2017 оны хичээлийн жилийн элсэлтийн талаарх товч мэдээлэл /Ч.Ундрам/
4. Flipped classroom model implementation /ХШУИС-ийн багш С.Отгонцэцэг/

ШИЙДВЭРЛЭСЭН:

1. ШУС-иас шийдвэрлүүлэхээр оруулж ирсэн асуудалтай холбоотойгоор дэд захирал, алба, хэлтсийн дарга нарт дараах ажлуудыг хариуцан зохион байгуулахыг үүрэг болгов.

ЗХШҮА-ны дарга В.Батцэнгэлд:

• ШУС-ийн 3 сургалтын инженерийн цалингийн зэрэглэл бууруулсан шалтгааныг тодруулах
• Профессорын багийн үйл ажиллагааны журмыг хүчингүй болгосон тушаал гаргах
• Багшийн зэрэглэл тогтоох ажлыг хичээлийн жилийн төгсгөлд хийж байх
• Багшлах эрхтэй холбоотой асуудлаар БСШУЯаманд хандах
• Ховор мэргэжил гэж ямар мэргэжлийг хэлэх вэ гэдэг дээр бүрэлдэхүүн сургуулийн захирлуудаас санал авах
• МУИС-ийг түшиглэн байгуулагдсан Хамгаалуулах зөвлөлийн ажилтай холбоотой асуудлыг нэгтгээд, энэ зөвлөлийг байгуулсан байгууллага руу албан бичиг явуулах

ЭЗХБА эрхэлсэн дэд захирал Ч.Нарантуяад:

• Ажлаас чөлөөлөгдөж байгаа багш, ажилтны тойрох хуудсанд өмч хөрөнгө, номын сантай холбоотой хэсэг оруулах

Сургалтын асуудал эрхэлсэн дэд захирал Г.Баярмагнайд:

• Хөтөлбөртэй холбоотой ажлын явцыг ойрын үед захирал танилцуулж, ШУС, ХШУИС дээр байгаа маргаантай байгаа хөтөлбөрүүдийн байршлыг эцэслэн тогтоож, 5 дугаар сард Захиргааны зөвлөлд танилцуулах

ОХХАА эрхэлсэн дэд захирал О.Мөнхбатад:

• Тэтгэлэг шалгаруулах явц, процедурын талаар Оюутны албаны тайланг хэлэлцүүлэх
• Оюутны дадлага хийх сургууль, байгууллагатай бүрэлдэхүүн сургууль гэрээ хийх талаар Оюутны албанаас сургалт явуулах
• Оюутны үйлчилгээг иж бүрнээр нь хэрхэн хүргэх талаар хийж байгаа ажил, үр дүн, мөн оюутны дадлагыг цаашид хэрхэн явуулах талаар санал боловсруулж захиргааны зөвлөлд танилцуулах
• Эмч, эмнэлгийн үйл ажиллагаанд хяналт тавьж ажиллах
• Сургуулийн хэмжээний үйл ажиллагааг нэгдсэн байдлаар харуулж байх календарь гаргах ажлыг шуурхайлах

Сургалтын нэгдсэн албаны дарга Ч.Ундрамд:

• Туслах ажилтны ажлын байрны тодорхойлолттой холбоотой асуудлыг тодруулж, шийдвэрлэх
• МУИС-ийг төгссөн төгсөгчдийн нэрс болон дипломны дугаарыг сургуулийн цахим хуудсанд үргэлжлүүлэн оруулах ажлыг зохион байгуулах
• Одоогийн байдлаар 2 хичээлийн хооронд хамгийн хол зайд явж байгаа оюутан болон багшийн тоонд анализ хийж, завсарлагааны хугацааны талаар захиргааны зөвлөлийн хуралд санал оруулах

ТДС-ийн захирал Б.Отгонтөгсөд:

• Магистрын ажил хамгаалуулах процедур, магистр, доктортой холбоотой асуудалд шинжилгээ хийж захиргааны зөвлөлд танилцуулах
• Магистрын зэрэг олгох дипломын бичилтийг цэгцэлж, нэгэн жигд болгох талаар санал боловсруулж захиргааны зөвлөлийн хуралд танилцуулах

МТА-ны дарга А.Баатарбилэгт:

• Багшийг үнэлгээтэй холбоотой авч байгаа асуулгад орсон мэдээллийг цэгцлэх, ялгагдахаар ойлгомжтой байхаар үнэлгээний хэсэгт засвар хийх
• СиСи-тэй холбоотой асуудлуудыг цэгцэлж, дараагийн Захиргааны зөвлөлийн хурлаар  танилцуулахыг даалгах

Бүрэлдэхүүн сургуулийн захирлуудад:

• Багшийн зэрэглэл тогтоох ажлыг хичээлийн жилийн төгсгөлд хийж байхаар тогтох

1. МУИС Орчлон сургууль хоорондын хамтын ажиллагааны гэрээ байгуулахаар шийдвэрлэв.
2. 2016-2017 оны хичээлийн жилийн элсэлтийн ажлыг төлөвлөгөөний дагуу явуулахаар боллоо.
3. Flipped classroom model implementation буюу “Цахим сургалтын холимог хэлбэрийн хэрэгжүүлэлт” төслийг цаашид МУИС дээр хэрэгжүүлэх зорилгоор :

ХШУИС-ийн захирал Н.Баатарбилэгт онлайн хичээл нэмэх, хэлний болон ерөнхий суурийн хичээлүүдийг түлхүү оруулж өгөх, энэ чиглэлээр ажиллаж байгаа, сонирхож байгаа сургууль болон хүмүүсийг нэгтгэсэн багийг бүрдүүлж, МУИС-ийн хэмжээний төсөл болгон ахалж ажиллахыг даалгах

Бизнесийн сургуулийн захирал Ц.Болормаад Завхан, Орхон сургууль дээр онлайн сургалтын танхим байгуулахыг ажлаа шуурхайлахыг даалгах

1. ЭЗХБА эрхэлсэн дэд захирал Ч.Нарантуяа 2016 оны хавар, зун хийх засварын ажлын талаар танилцуулсан.

ЗАХИРГАА, ХЯНАЛТ ШИНЖИЛГЭЭ, ҮНЭЛГЭЭНИЙ АЛБА

НББ-ийн тэнхмийн багш Д.Эрдэнэсоёл, Ц.Алтантуул нарын удирдан явуулсан “Практик дадлага олгох сургалт-1” дуусаж сургалтанд суусан оюутнууд болон бусад оюутнуудын хамтаар тэмцээнээ амжилттай зохион байгуулж байна

МУИС-ийн Завхан сургуулийн Санхүү хангамж үйлчилгээний албаны дарга Далхаагийн Очирпүрэв төрд ажилласан гавьяа зүтгэл, хөдөлмөрөө үнэлүүлэн Монгол Улсын Ерөнхийлөгчийн зарлигаар “ХӨДӨЛМӨРИЙН ХҮНДЭТ”  медалиар шагнууллаа.

Д.Очирпүрэв танд МУИС-ийн Завхан сургуулийн эрдмийн хамт олон, ажилтан албан хаагч нарын зүгээс баяр хүргэе.

Д.Очирпүрэв 1977 онд Завхан аймгийн Худалдааны техникум, 1989 онд Улс төрийн дээд сургууль, 1995 онд Санхүү эдийн засгийн дээд сургуулийг төгссөн. Нягтлан бодогч эдийн засагч мэргэжилтэй. 1977 – 1978 онд Завхан аймгийн Худалдаа бэлтгэлийн трестэд тооцооны нягтлан бодогч, 1982 – 1992 онд Завхан аймгийн Худалдааны техникум-ТМС-д нягтлан бодох бүртгэлийн багш, Цэргийн анхан шатны бэлтгэл сургалтын мастер багш , 1992 -1998 онд Завхан аймгийн Ойн аж ахуйн ерөнхий нягтлан бодогч, 1998-2002 онд “Балбархай” ХХК-ийн захирал, 2002-2006 онд Хоршоог дэмжих төвд нягтлан бодогч, сургагч багш, хоршооны аудитор, 2006 оноос МУИС-ийн Завхан сургуулийн Санхүү хангамж үйлчилгээний албаны даргаар ажиллаж байна.

Багшлах хугацаандаа баруун бүс нутагт худалдааны мэргэжилтэй боловсон хүчин бэлтгэх ажилд өөрийн мэдлэг боловсролоо дайчлан ажиллаж 15000 орчим мэргэжилтэй боловсон хүчин бэлтгэж төгсгөсөн байна.

Аймаг орон нутагт хоршоологчдын хөдөлгөөнийг зохион байгуулж, хоршоо үүсгэн байгуулах, хоршооны ажиллах зарчим, хоршоонд хөтлөгдөх нягтлан бодох бүртгэлийн анхан шатны сургалт семинаруудыг зохион байгуулан ажилласан нь хоршоологчдын салбарын шинэчлэл, хоршооны гишүүдийн мэргэжлийн ур чадварыг дээшлүүлэхэд чухал түлхэц болсон байна.

Сургуулийнхаа хэв сургалтын орчин нөхцлийг орчин үеийн шаардлагад нийцүүлэн хөгжүүлэх талаар санаачлага гаргаж, хамт олноороо хэлэлцүүлэн ажилдаа хэрэгжүүлж ажилласан нь боловсролын тогтвортой хөгжлийг хангах , үйлчилгээг хүний хэрэгцээнд нийцүүлэн шинэчлэх, сургалтын материаллаг баазыг бэхжүүлэх үндэс суурь болсон юм.

Улсад 35 жил хөдөлмөрлөхдөө сурган хүмүүжүүлэх үйлсэд идэвх зүтгэл гарган үр бүтээлтэй ажилласан, сургуулийн сургалтын материаллаг баазыг бэхжүүлэхэд ихээхэн хувь нэмэр оруулсан танд сайн сайхныг хүсье.

МУИС-ийн Завхан сургуулийн захиргаа , хамт олон

Тайвань улсын Юнлины Шинжлэх ухаан, Технологийн улсын их сургууль /Юнтек/ нь 1991 онд байгуулагдсан, улсынхаа бусад ижил төрлийн сургуулиудад үлгэр дууриал болсон сургууль юм. Тус сургууль Инженерчлэл, Менежмент, Дизайн, Хүмүүнлэг ба Шинжлэх ухааны коллеж гэсэн 4 коллежтэй. Эдгээр 4 коллеж нь бакалаврын 20, магистрын 26, докторын 20-н хөтөлбөртэй бөгөөд уг хөтөлбөрүүдэд  10000 гаруй оюутан суралцаж буй бөгөөд тэдгээрийн 65 хувь нь бакалавр, үлдсэн 35 хувь нь магистр, докторын оюутнууд байдаг.

Тус сургуулийн багш нарын 87 хувь нь докторын зэрэгтэй, 95 хувь нь дэд профессор болон түүнээс дээш зэрэг цолтой юм. Мөн багш нарын 62 хувь нь аж үйлдвэрлэлийн салбарт туршлагатай, доктор цолтой багш нарын 50 хувь нь АНУ, Европд, болон бусад дэлхийд алдартай сургуулиудад зэрэг хамгаалсан байна.

МУИС болон тус сургуулийн хооронд 2011 онд Оюутан солилцоо ба хамтын ажиллагааны гэрээ байгуулсан. Энэ хамтын ажиллагааг идэвхжүүлж хоёр сургуулийн эрдэмтэн багш нарын хооронд  хамтын ажиллагаа, судалгааг идэвхижүүлэх үүднээс Юнтек сургуулиас дараах санал ирүүлээд байна. Үүнд:

Бакалавр болон магистр, докторын оюутнуудын сэдвийн ажлыг хоёр сургуулийн багш нар хамтран удирдах санаачлага гаргаж уг ажилд оролцох хүсэлтэй тус сургуулийн багш нарын нэрсийг ирүүлсэн байна /хавсралтаас үзнэ үү/. Transnational_student_senior_projects_cooperation(2) 

Манай сургуулийн эрдэмтэн багш нараас энэхүү төсөлд оролцож Юнтек сургуулийн бакалавр, магистр, докторын оюутны сэдвийн ажлыг удирдах, эс бөгөөс өөрсдийн удирдаж буй оюутнууддаа Юнтек сургуулийн хамтран удирдагч олж хавсралтад орсон нэр бүхий тус сургуулийн багш нартай өөрийн салбарт хамтран ажиллах хүсэл сонирхолтой эрдэмтэн багш нар байвал МУИС-ийн ГХХАХ-тэй холбогдож хавсралтад байгаа хүснэгтийн цэнхэр өнгөөр заасан хэсэгт тохирох мэдээллээ бичиж int_rel@num.edu.mn эсвэл asfh@yuntech.edu.tw хаяг руу явуулна уу. Мөн манай сургуулийн зэрэг горилж буй оюутнууд ч уг төсөлд оролцож, хүсэлтээ илгээж болно.

МУИС-ийн Завхан сургуулийн багш, ажилтан, ажилчдын дунд “УРЛАГИЙН II НААДАМ”-ыг 2016 оны 04-р сарын 05-ны 15⁰⁰ цагт  Хүүхэд гэр бүлийн хөгжлийн хэлтсийн урлагийн зааланд амжилттай зохион байгууллаа.

“УРЛАГИЙН II НААДАМ”-ын үйл ажиллагааг тус сургуулийн захирал, доктор, дэд профессор, хатагтай М.Эрдэнэчимэг нээж үг хэллээ.

Наадмын шүүгчээр МУСТА, хөгжимчин Э.Золсайхан, бүжгийн багш М.Отгонтөгс, тус сургуулийн захирал М.Эрдэнэчимэг нар ажиллав. Тус наадам нь нийтдээ 7 төрлөөр зохион байгуулагдсан.

“УРЛАГИЙН II НААДАМ”-д тус сургуулийн багш, ажилтан, ажилчдын нийт 4 багийн 65 гишүүн оролцсон. Үүнээс

• I байрыг Б.Батбаасан ахлагчтай “Эрдмийн ундарга” баг
• II байрыг Д.Очирпүрэв ахлагчтай “Бидний жавхаа” багууд тус тус эзэлж өргөмжлөл, мөнгөн шагналаар шагнагдлаа.

Нийт оролцсон хамт олондоо ажлын өндөр амжилт, амьдралын сайн сайхан бүхнийг хүсэн ерөөе.

Урлагийн тэнгэр Янжинлхам бурхан мөнхөд ивээх болтугай.

ЗОХИОН БАЙГУУЛАХ КОМИСС