МУИС-ийн Завхан сургуулийн 4-р түвшний төгсөгчид нь “Мөнгөн хонхны баяр”-аа 2016 оны 05-р сарын 13-нд тэмдэглэв. Энэ хичээлийн жилд:

• Санхүү, эдийн засаг
• Санхүүгийн менежмент
• Нягтлан бодох бүртгэл
• Банкны эдийн засаг, нягтлан бодогч
• Татварын эдийн засаг, нягтлан бодогч
• Гааль, татварын эдийн засаг
• Компьютерийн инженер гэсэн мэргэжлүүдээр нийтдээ 131 оюутан төгсөж байгаа болно.

“Мөнгөн хонхны баяр”-ын үйл ажиллагааг нээж тус сургуулийн захирал, доктор, дэд профессор, хатагтай Мөнхбаярын Эрдэнэчимэг үг хэллээ. Тус үйл ажиллагаанд Завхан аймгийн Нийгмийн хөгжлийн хэлтсийн дарга М.Гүрсэд урилгаар оролцож, нийт төгсөгчдөд зориулан сэтгэлийн үгээ хэлэв.

Монгол Улс сансрын анхны хиймэл дагуул хөөргөх гэж байгаатай холбогдуулан МУИС-ийн Шинжлэх ухааны сургуулийн Физикийн тэнхмийн сансар судлалын багш, доктор Р.Цолмон, докторант А.Цолмон нар Завхан аймагт 2016 оны 5-р сарын 15-17 ний өдрүүдэд ажиллав.

Энэ хугацаанд МУИС-ийн Завхан сургуулийн багш, оюутнууд, Улиастай хотын ЕБС-иудын багш, сурагчидтай уулзалт хийж, сансар судлалын хөгжлийн талаар сонирхолтой лекц уншив. Мөн МУИС-ийн Завхан сургуулийн багш, оюутнууд, сонирхсон хүмүүс зориулалтын дуран авайн тусламжтайгаар сарны ажиглалт хийв. Түүнчлэн МУИС-ийн төлөөлөгчид аймаг, орон нутгийн удирдлагууд, албан газрын дарга нар, иргэдийн төлөөлөлтэй уулзаж, энэхүү сансрын хиймэл дагуул хөөргөх ажлын зорилго, ач холбогдол, үр өгөөжийн тухай тодорхой танилцуулга хийж, орон нутгийн “Шинэ Завхан” телевиз-д ярилцлага өгөв. Уулзалтанд оролцогсод Эх орныхоо сансрын анхны хиймэл дагуул хөөргөх гэж буйд баяр талархалаа илэрхийлж, энэхүү түүхэн гайхамшигт үйлсийг дэмжиж, санхүүгийн дэмжлэг, хандив өргөхийг нийт Завханчууддаа уриалав.

Б.Явуухулангийн нэрэмжит Төв номын сантай хамтран 2016 оны 04-р сарын 29-ний “Гэмт хэргээс урьдчилан сэргийлэх ажилд оюутнуудын оролцоог нэмэгдүүлэх нь” сэдэвт илтгэлийн уралдааныг амжилттай зохион байгууллаа. Уралдаанд нийт 7 оюутан илтгэлээ хэлэлцүүлсэн ба нийт 80 гаруй оюутан залуус, багш, ажилтан, албан хаагчид оролцсон.

Илтгэлийн уралдааны шүүгчээр дараах бүрэлдэхүүн ажилласан. Үүнд:

– Завхан аймгийн Прокурорын газрын хяналтын прокурор Өсөхболд

– Завхан аймгийн Боловсрол Соёлын Газрын Монгол хэлний мэргэжилтэн Уламбаяр нар болно.

Эхний 3 байрыг шалгаруулж өргөмжлөл, мөнгөн шагналаар шагнаж урамшуулав.

I байр: FE3-1 ангийн оюутан Сандагсүрэн “Ном бидний амьдралд”

II байр: CU3-1 ангийн оюутан Отгонзаяа “Би бусдад сайнаар нөлөөлж чадна”

III байр: АС2-1 ангийн Бямбадэлгэр “Архигүй орчин бидний ирээдүй”

“Эрүүл мэндийг дэмжигч байгууллага” шалгаруулах гол зорилго нь эрүүл мэндийг дэмжих хөдөлгөөнийг өргөжүүлэх, эрүүл хувь хүн, хамт олон, албан байгууллагыг олноор нь гаргахад оршдог.

МУИС-ийн Завхан сургуулийн захиргаа, сургуулийн эрүүл мэндийн зөвлөлөөс  хамт олны эрүүл мэнд, орчны эрүүл мэнд, эрүүл мэндийн зөв дадал хэвшил, эрүүл мэндийн сургалт үйлчилгээ , хамт олны харилцаа сэтгэл зүйн таатай орчныг бүрдүүлж ажилласны үр дүнд “Эрүүл мэндийг дэмжигч байгууллага” –аар шалгарч гэрчилгээ гардан авлаа.

Ажиллагсдын бие бялдрын чийрэгжилтийн түвшинг жил бүр тогтоож сайжруулах арга хэмжээг тогтмол зохион байгуулж үр дүнд хүрсэн,  бие бялдрыг хөгжүүлэх чийрэгжүүлэх төвтэй болж 7 хоногийн Лхагва гараг бүрт чийрэгжүүлэлтийн хичээл тогтмолжсон, оюутнуудын эрүүл мэндийн үзлэг,  эрүүл мэндийн сургалтуудыг хэвшүүлсэн , үе тэнгийн сургагч багш нарын багтай болсон  зэргийг онцолж байна.

Байгууллага, хамт олон бүр энэхүү ажилд идэвхтэй оролцож, эрүүл мэндээ сахин хамгаалах, урьдчилан сэргийлэх, амьдралын зөв дадал хэвшлийг олж авах нь эрүүл монгол хүнийг бий болгоход чухал алхам болно хэмээн уриалж байна

МУИС-ийн ЗАВХАН сургуулийн 2015-2016 оны хичээлийн жилийн эрдмийн сар-II аяны хүрээнд Багш нарын эрдэм шинжилгээний хурал 2016 оны 4-р сарын 30 –ний өдөр амжилттай болж өнгөрлөө. Тус хуралд нийт 19 багшийн 20 гаруй илтгэл хэлэлцүүлснээс энхний 3 байранд дараах илтгэлүүд шалгарлаа.

Тэргүүн байранд: Д.Алтанхуяг багшийн  “Завхан аймагт хөгжүүлж болох сүүний үйлдвэрлэлийн кластер” сэдэвт илтгэл

Дэд байранд: Г.Уранбаяр багшийн “Хоршоо, нөхөрлөлийн бүртгэлийг төгөлдөржүүлэх асуудал” сэдэвт илтгэл

Гутгаар байранд: Б.Болорчимэг багшийн “Судалгаанд суурилсан бодлогоор хөдөө орон нутгийн хөгжлийг дэмжих нь” сэдэвт илтгэл

Д.Алтанхуяг багшийн  “Завхан аймагт хөгжүүлж болох сүүний үйлдвэрлэлийн кластер” сэдэвт илтгэл тэргүүн байр

Г.Уранбаяр багшийн “Хоршоо, нөхөрлөлийн бүртгэлийг төгөлдөржүүлэх асуудал” сэдэвт илтгэл 2-р байр,

Б.Болорчимэг багшийн “Судалгаанд суурилсан бодлогоор хөдөө орон нутгийн хөгжлийг дэмжих нь” сэдэвт илтгэл 3-р байрт шалгарав.

МУИС-ийн ТАНИЛЦУУЛГА

Татах (PDF, Unknown)

Монгол Улсын Их Сургуулийн Элсэлтийн танилцуулага видео 2016

Монгол Улсын Их Сургуулийн Бакалаврын Өдрийн Хөтөлбөрт 2016 онд оюутан элсүүлэх журам

Татах (PDF, Unknown)

Монгол Улсын Их Сургуулийн Оюутны Холбоо, Оюутан Конгрессийн ээлжит XXV чуулган 2016 оны 4 сарын 24 нд амжилттай болж өндөрлөлөө. Чуулганд Завхан, Орхон салбар сургууль, Клубүүдийн төлөөлөл, Оюутны байрны төлөөлөл, Бүх салбар сургуулиудын 1-4-р түвшиний 200 гаруй оюутаны төлөөлөлүүд оролцлоо.

Уг чуулганаараа 2015-2016 оны У.Басбиш тэргүүнтэй бүтэц бүрэлдэхүүний хийсэн  ажлын тайлан, ерөнхий нарийн бичгийн дарга А.Эрдэнэбаярийн төсөвт үйл ажиллагааны тайланг дүгнэн хэлэлцэж нийт оюутнуудаас маш сайн ажиллаа гэсэн өндөр үнэлгээ авав. Ээлжит чуулганаар Оюутны холбооны статусаа тодорхой болгон дотоод дүрэм журамаа шинэчилэн баталлаа.

Тус чуулганд 3 хүн нэр дэвшин өөрийн мөрийн хөтөлбөрөө танилцуулан ширүүн сонирхолтой өрсөлдөөн өрнүүлсний эцэст  ШУС-НУС-ийн нийгмийн ажлын ангийн 3-р түвшиний оюутан Байгалмаагийн Хосбаатар илт давуу санал авч оюутнуудынхаа итгэл найдварийг хүлээлээ. Б.Хосбаатар тэргүүнтэй шинэ бүтэц бүрэлдэхүүнд сурлага хөдөлмөрийн өндөр амжилт хүссэн ерөөе!